1340 - Johan Petit on commission of enquiry (Cornwall)
Record | |
---|---|
Date | 1340 |
Topic | Joh Petit on commission of enquiry |
By {{subst:#realname:Henryfunk}}, {{subst:CURRENTYEAR}}-{{subst:CURRENTMONTH}}-{{subst:CURRENTDAY2}}. Revised by Henrik Thiil Nielsen, 2020-07-22.
Record
Inspeximus and confirmation of letters patent of Edward, duke of Cornwall and earl of Chester, in these words: Edward eisne fils au noble roi Dengleterre et de France, ducs de Cornewaille et counte de Cestre, À tous nos tenaunts, sousgis et foials de nostre dite dusches et outres qui cestes lettres verrount ou oront, salus. Plusieurs fois les bones gents et communalte de nostre duschee susdite sentants eux estre noun duement damagez et grevez par ascunes choses qui sensuent, ount suy devers nostre trescher seigneur et piere, le roi, et devers nous, par peticion en Parlement, et se sount grevousement compleint de diverses grevances, extorsions, oppressions et desheritances a eux faitz par un court leve voluntrivement et saunz reson en temps monsieur Johan, nadgairs counte de Cornewaille, nostre trescher uncle, que Dieux assoille, et tenue a nostre chastél de [p. 19:] Launceveton et que, coment que la dite court soleit estre appele 'court de Geyte' et estre tenue en la porte du chastel susdit de certeins tenantz du dit chastel tauntsoulement, qui y estoient suters a ycelle, si est ja de novel meisme la court appelle 'court des fedz,' par colour de quel nom toutes les gentz de nostre duschee avantdite ount esté somons, attachez et distreintz a chescuny pleinte la ou nul ne soleit sure a celle court ne y respoundre a nulli sinoun les reseantz deinz le fee de Geyte, et ce des contracts deins le dit fee de Geyte sourdantz; hors de quelle court des fedz nul homme du pays ne poyt ne ne puit avoir sa court de ses tenantz selont la custume et usage du pays use du temps dount ne court memorie ne remembrance. Sur quelle peticion nostre dit trescher seigneur, del assent de son conseil en plein Parlement, fit agarder et faire une commission a monsieur Johan Lercedekne, monsieur Rauf de Bloyou, et monsieur Johan Petit denquere coment celle court soleit estre tenue et queux furent tenantz, et de queux fedz, et si celle court de fedz feut de novel controve ou nemye. Par quelle enqueste estoit trove que la dite court estoit de novel controve en temps le counte avantdit, et ovesque ce, par agard du dit Parlement, issit brief de la Chauncellerie as tresorer et barons del Eschequer qils, serchees les auncienes roulles et remembrances du dit Eschequer, certifiassent nostre dit trescher seigneur en meisme sa Chancellerie si nulle tiele court y esoit avaunt tenue. Lesqueux tresorer et barouns retournerent qils ne troverent mye qe nulle tiele court de fedz y estoit use ne tenue en temps passe. Siqe nadgairs au Parlement tenu a Westmoustre le mercredy proschein apres la feste de la Translacion Seint Thomas, monstrez devant le conseil nostre dit trescher seigneur toutes les evidences avantdites, et la matere contenues en ycelles diligealment debatue, si estoit ajugge par le dit conseil et par acord de Parlement qe la dite court esteit torteneusement leve et tenue, et qe elle sereit desore defaite et tout outrement lesse, et la court de Geyte avantdite tenue et use en manere et selont ce qe elle soleit estre auncienement, cest a saver des tenantz de meisme le fee de Geyte et de nuls autres et des contractz et covenantz sourdantz deins le fee susdit. Sur quei nous, en deliberacion et avisement ovesqe sages de nostre conseil, regardantz et considerantz toute la manere des choses avantdites, et voillantz faire a tous nos foials et souzgis equite et droiture saunz acrocher a nous par seigneurie on en autre manere autre chose qe nous ne devons apr reson, grantons pour nous et pour nos heirs par cestes nos patentes lettres a les dites bones gentz et communalte et a tous les habitants de pays et a lour heirs et a lour successours qe mès en nul temps la dite court de feds ne soit tenue, mes qe la court de Geyt susdit soit desore use et tenue selont ce qe eller soleit estre en templs passe, cest a saver des tenantz de mesme le fee de Geyte et des contractz et covenantz sourdantz deinz le dite fee, sicome desus est dit. En tesmoignance de queu chose nous avons fait faire cestes nos lettres sealees de nostre seal par ceux tesmoignes,
Monsieur Nichole de la Beche, Monsieur William de Shareshull, Monsieur James de Wodestoke, Monsieur Robert de Bilkemor, Monsieur Robert de la Beche et autres. Don souz nostre prive seal a nostre manoir de Kenyngton, le 23 jour de Juyl, la[n] du regne nostre dit trescher seigneur et piere, le roi, Dengleterre quatorsisme, et de son regne de France primer.
[IRHB translation:]
Edward eldest son of the noble king of England and of France, duke of Cornwall and count of Chester, To all our tenants, subjects and faithful of our said duchy and others who shall see or hear these letters, greetings. Several times the good people and community of our said duchy, feeling themselves unduly damaged and aggrieved by various things that happen to them, have sued to our very dear lord and father, the king, and before us, by petition in Parliament, and have grievously complained of various grievances, extortions, oppressions and disinheritances of them done by a court established arbitrarily and without right in the time of Sir John, late count of Cornwall,
our very dear uncle, whom God may forgive, and held at our castle of [p. 19:] Launceston and which, in accordance with the said court being usually known as 'court of Geyte', was held at the gate of the said castle by certain
Source notes
Dated: 'July 24. Kennington'. The printed text has the word 'Inspeximus' and the French text in italic type, the English text in Roman type. For ease of reading IRHB has put the Latin and French in Roman type, the English introduction in Roman type.
IRHB comments
Lists
- Not included in Sussex, Lucy, compil. 'References to Robin Hood up to 1600', in: Knight, Stephen. Robin Hood: A Complete Study of the English Outlaw (Oxford, UK; Cambridge, Massachusetts: Blackwell, 1994), pp. 262-88.
MS sources
Printed sources
Sources
Studies and criticism
Background
Notes
- ↑ {{:}}, _VOL_AND_PAGE_REFERENCE